Кугурак тукымлан вашлийын мутланыме икымше рӱдер почылтын
Республикыштына кугурак тукымлан вашлийын мутланыме икымше рӱдер почылтын. Тыгай рӱдерым регионлаште ыштыме шотышто Марий Эл пилот проектыш пурен. Икымшыжым Параньгаште Россий социал фондын клинет службыштыжо почмо. Тудым почмаште Правительстве вуйлатышын алмаштышыже Ольга Бадма-Халгаева, Социал фонд пӧлкам виктарыше Владимир Орехов, Параньга район администрацийын еҥже- влак лийыныт. Вашлийме рӱдер кугурак тукымлан шонымашыжым шыҥдараш ешартыш йӧным пуа. Нунылан цифран зоным, мини-книгагудым, мастер-класслам эртарыме пӧлемым ямдылыме. Шинчымаш программе деч посна, уна- влак кином ончен, ӱстембал модыш дене модын, сылнымутым лудын кертыт. Тыгак финанс да компьютер грамотностьыштым нӧлташ йӧным ыштыме. Шонымо почеш тыгай рӱдер- влак моло муниципал районлаштат почылтшаш улыт.
Фото: Россий Социал фонд пӧлка.
Фото: Россий Социал фонд пӧлка.
