Самырык шанчыеҥ, шымлызе да инноватор- влаклан полшаш грантым палемдыме

Самырык шанчыеҥ, шымлызе да инноватор- влаклан полшаш грантым палемдыме
            Марий Элым вуйлатышын тӱҥалтышыже почеш самырык шанчыеҥ, шымлызе да инноватор- влаклан полшаш грантым палемдыме. Тидын нерген Марий Элым вуйлатыше Юлтехын студентше- влак дене вашлиймыже годым ойлен. Юлтехыш тудо Россий студент кече дене саламлаш да самырык- влакын сеҥымашышт да планышт, вузым вияҥдыме нерген канашаш миен. Юрий Зайцев ПГТУ-н тоштержым ончен, чодыра да пӱртӱс дене пайдаланыме экспозицийым, шанче паша- влакым, университетын пожар да утарыше отрядше, студент отряд- влак нерген стендым аклен, компетенцийым вияҥдыме рӱдерыш, Марий Элын  процесс фабрикышкыже пурен, самырык- влакын организацийыштын сеҥымашышт дене палыме лийын, студент- влак дене мутланен. Ӱжмыштлан тауштен да сеҥымаш- влакым тыланен. Ушештарен: икымше январь гыч Марий Элым вуйлатышын грантшым палемдыме. Тидыже нунылан вияҥаш, у проект- влакым шыҥдараш полша. Ойырен налме конкурс Россий науко кечын 8-ше февральыште увертаралтеш. Студент- влак тунемме жапыште специальность дене пашам ыштыме, АйТи секторым вияҥдыме, выпускник- влаклан илыме верым ситарыме, кӱкшӧ спорт таҥасымаш- влакым эртарыме нерген йодыштыныт. Нунылан раш вашмутым пуымо. А Татьяна лӱман студент- влак пеледышым налыныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски