Республикысе чыла ола ден районлаште оборонно-массовый да военно-патриот паша месячник тӱҥалын
Теҥгече республикысе чыла ола ден районлаште оборонно-массовый да военно-патриот паша месячник тӱҥалын. Тудым торжественно почмаште Республикым вуйлатыше Юрий Зайцев участвоватлен. Тудо Самырык- влак полатыште сар-курал выставкым ончен, ача-коча- влакын подвигыштым самырык тукымым шуарымаште пример семын палемден. Тений месячник вигак икмыняр историй событийлан пӧлеклалтеш: фашист войскам Сталинград кучедалмаште, Курск кредалмаште шалатымылан 80 ий, Ольга Тихомирован шочмыжлан 100 ий, подвигым ыштымыжлан 80 ий темеш. Месячник кышкарыште 50 утла мероприятий эртаралтеш. Таче кечылан Марий Эл гыч кок тӱжем утла военнослужащий, доброволец, мобилизоватлыме еҥ лӱмын эртарыме сар операцийыште участвоватла,- палемден Юрий Зайцев. Эртарыме мероприятий- влак самырык тукымым шочмо элым йӧратыме шӱлышеш шуараш полшат. Тиде пашам чолган шуктышо- влаклан Юрий Зайцев тауштымашан серыш- влакым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
