Республикыштына газификаций программе дене посёлкыла кокласе 560 меҥге газ пучым шупшмо

Республикыштына газификаций программе дене посёлкыла кокласе 560 меҥге газ пучым шупшмо
             Республикыштына газификаций программе дене посёлкыла кокласе 560 меҥге газ пучым шупшмо. Тыгай цифрым «Газпром Йошкар-Ола межрегионгаз» ушемын генеральный директоржо Александр Ерёмин Республикын ЦУР пабликыштыже вияш эфир годым каласен. Пытартыш 20 ий жапыште газым пурташлан кум миллиард наре теҥгем кучылтмо, посёлкыла кокласе 31 газпучым чоҥымо. Тидымат увертарен: 2021-ше 2025-ше ийлаште республикыште 58 илемыште 230 меҥге кужытан 15 газпучым чоҥаш палемдыме. Вашлиймашыште республикысе промышленность министрын алмаштышыже Михаил Полубарьев лийын. Тудо газым пуртымо пашам вияҥдыме программыш пуртымо ешартыш нерген ойлен. Документ дене келшышын ончыкыжым газ Килемар ден Юрино районлашкат толшаш. Тыгак посёлкыла кокласе 154 меҥге кужытан куд газпучым чоҥаш палемдыме. Вашлиймашыште тыгак догазификаций, акым ыштыме политике, Сад товариществылашке газым пуртымо да моло йодышымат каҥашыме.

Прошлые выпуски