Сенатор Сергей Мартынов Чавайн лӱмеш калыкле книгагудыш миен
Сенатор Сергей Мартынов Чавайн лӱмеш калыкле книгагудыш миен. Калыкын кугу поянлыкше книгаште аралалтеш. Тиде- курымлан мунло ушыжо. Республикын уш-акыл куатшым аралымаште Чавайн лӱмеш калыкле книгагудын ойыртемалтше рольжым Сергей Мартынов палемден. Тудо шуэн вашлиялтше книга пӧлкаш миен. Тудым 1994-ше ийыште почмо. Пӧлкан тичмаш фондшо- 9 тӱжемат 700 экземпляр. Кажныже кагазеш возымо истроий памятник улеш, - палемден Сергей Мартынов. Тушко 18-ше курым гыч тӱҥалын савыктыш- влакым чумырымо. Эн тошто книгалан Санкт-Петербургышто Имперский шанче Академийын лукмо «Египтян, карфаген, ассириан, вавилонян, мидян, перс, македонян да грек- влак нерген акрет годсо историй» шотлалтеш. Книгагудышто Российысе книга памятник реестрыш пуртымо 275 савыктышым муаш лиеш. Пӧлкан кугешнымашыжлан Сергей Чавайнын илымыже годым савыктыме книгаже- влак, марий композитор- влак Яков Эшпайын, Алексей Искандаровын, Дмитрий Кульшетовын, Анатолий Лупповын кид дене возымо нотышт, Майоров-Шкетанын кид дене возымо пьесыже- влак арлалтыт. Тиддеч посна книгагудо пеш шуэн вашиялтше книга- влакым цифран форматыш кусара.
Фото: С.Чавайн лӱмеш книгагудо.
Фото: С.Чавайн лӱмеш книгагудо.
