Марий Элын ял озанлык да кочкыш сату министрже Павел Раевский калыкын йодышыжлан вашештен

Марий Элын ял озанлык да кочкыш сату министрже Павел Раевский калыкын йодышыжлан вашештен
              Регионым виктарыме рӱдерын вияш эфирыштыже Марий Элын ял озанлык да кочкыш сату министрже Павел Раевский калыкын йодышыжлан вашештен. Вияш трансляций годым тудо эртыше иладыклан иктешлымашым ыштен да палемден: тений сай лектышым налме- 376 тӱжем тонн пырчым погымо. Пареҥгым 230 тӱжем тонным, саскам 143 тӱжем тонным поген налме. Тыгак тудо ял озанлык производитель- влакым поддержатлыме нерген ойлен. Республике ял озанлык технике ден оборудованийлан субсидийым пуа.
              Тиддеч посна верысе продукций кевыт шӧрлыклаште лийже манын мом ыштыме нерген каласкален. Кызыт ме федерал кевытлаште да тыглай изирак кевытлаште верысе продукцийын мыняр улмыжым лончылена манын тудо. Йошкар-Олаште ял озанлык ярминга- влак нерген йодышлан вашештымыже годым тидым ешарен: тыгай мероприятий- влакым эре оласе площадкылаште гына огыл, ужалкалыме рӱдерлаштат  эртарен шогаш кӱлеш манын. «Марий Элыште ыштыме» лӱман фермер ярминга- влак кеч-могай жапыштат йӱла семын эртаралтшаш улыт.
              Тыгак агропромышленный комплексым вияҥдыме йодышымат каҥашыме, школлаште агрокласс- влакым почмо нерген ойлымо. Идалык еда регионышто кок агрокласс дене почаш палемдалтеш манын каласен. Туныктыш министерстве дене агросадик- влакым почаш кутырен келшенна. Йоча- влак изинекак мландым йӧраташ тунемшаш улыт,- каласен Павел Раевский.
        Фото: Регионым виктарыме рӱдер.

Прошлые выпуски