Республикыштына физкультура да спорт дене кылым кучышо- влакын чотышт 2030-шо ийлан 70 процентыш погына
Республикыштына физкультура да спорт дене кылым кучышо- влакын чотышт 2030-шо ийлан 70 процентыш погына. «Марий Эл» ий полатыште Марий Элым вуйлатыше пеленысе физкультура ден спортым вияҥдыме шотышто Советын икымше заседанийже эртен. Отрасльым вияҥдыме, кӱшыл сеҥымашыш шумо спортым поддержатлыме, таҥасымашлан ямдылалтме йодыш- влакым каҥашыме. Марий Элым вуйлатыше Юрий Зайцев палемден: эре спорт дене кылым кучен шогышо еҥ- влакын чотышт 60 процентыш шуын, а план почеш 52,9 процент лийшаш, 2030-шо ий марте 70 процентыш шукташ палемдалтеш.
Россий спорт министерствын полшымыжо дене 690 миллион теҥгелан 38 спорт объектым пашаш колтымо. Тидыже «Спорт- илышыш нормыжо» да «Бизнес- спринт» федерал проектлам шыҥдарымылан кӧра лийын кертын. Эн кӱкшӧ лектышыш шушо спортсмен ден тренер- влаклан ик гана тӱлымӧ окса пуалтеш. Пытартыш кок ийыште тыгай оксам 315 еҥ налын. Шушаш ийын «Земский тренер» программе пашам ышташ тӱҥалеш. Республикын спорт министрже Сергей Мухортовын увертарымыже почеш тений спорт ден физкультурылан ик миллиардат 100 миллион теҥгем кучылтмо. Физкультура да спорт системе 891 тӧнежым да 5 специализированный тунемме тӧнежым ушен шога.
Тений тӱнямбал да россий кӱкшытан таҥасымаш- влакымат шотыш налаш гын, 633 мероприятийым эртарыме. Российын сборный команылашкышт республике гыч 122 спортсменым пуртымо. Марий Эл спортсмен- влаклан утларак лектышан байдарка да каноэ ден ийме чемпионат, греко-рим кучедалмаш дене Европын чемпионатше лийыныт. ГТО комплекс чолган шыҥдаралтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Россий спорт министерствын полшымыжо дене 690 миллион теҥгелан 38 спорт объектым пашаш колтымо. Тидыже «Спорт- илышыш нормыжо» да «Бизнес- спринт» федерал проектлам шыҥдарымылан кӧра лийын кертын. Эн кӱкшӧ лектышыш шушо спортсмен ден тренер- влаклан ик гана тӱлымӧ окса пуалтеш. Пытартыш кок ийыште тыгай оксам 315 еҥ налын. Шушаш ийын «Земский тренер» программе пашам ышташ тӱҥалеш. Республикын спорт министрже Сергей Мухортовын увертарымыже почеш тений спорт ден физкультурылан ик миллиардат 100 миллион теҥгем кучылтмо. Физкультура да спорт системе 891 тӧнежым да 5 специализированный тунемме тӧнежым ушен шога.
Тений тӱнямбал да россий кӱкшытан таҥасымаш- влакымат шотыш налаш гын, 633 мероприятийым эртарыме. Российын сборный команылашкышт республике гыч 122 спортсменым пуртымо. Марий Эл спортсмен- влаклан утларак лектышан байдарка да каноэ ден ийме чемпионат, греко-рим кучедалмаш дене Европын чемпионатше лийыныт. ГТО комплекс чолган шыҥдаралтеш.
Фото: Марий Элым вуйлатышын администрацийжын увер дене пашам ыштыше пӧлкаже.
