Марий Элым вуйлатыше «Шонымашым шуктышо кож» Россий кӱкшытан акцийыште участвоватлен
Марий Элым вуйлатыше «Шонымашым шуктышо кож» Россий кӱкшытан акцийыште участвоватлен. Тудо У ий кож гыч ныл йочан шаржым мучыштарен налын да шонымашыштым шукташ сӧрен. Ик шонымашыже Йошкар-Ола гыч 11 ияш Виктория Шемахинан лийын. Тудо сюрпризым вуча. Сандене Йӱштӧ Коча деч Реборн курчакым йодын. Вуйлатыше тыгак шефыш налме Куйбышев район гыч йоча- влакын шонымашыштым шукта. Кум ияш Мария Тришак курчак пӧртым налеш, а тудын изаже- влак – 9 ияш Андрей электросамокатым, 11 ияш Евгений - велосипедым. Юрий Зайцев Марий Элысе да Запорожский областьысе самырык еҥ- влакым лишемше У ий дене саламлен да йоча- влакын шонымашыштым шуктымаш кажне ешыш куаным конда да у ий кумылым шочыкта манын каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
