Йошкар-Оласе Черняков уремыште у подрядчик дене чоҥымо паша уэш тӱҥалеш
Йошкар-Оласе Черняков уремыште у подрядчик дене чоҥымо паша уэш тӱҥалеш. Йошкар-Ола ден Медведево посёлко кокласе рекреаций зонын проектше ончычсо пашам ыштышым, умылыдымаш лекмеке, подрядчикым вашталтен. У генеральный подрядчиклан «Медведевоагродорстрой» акционер ушемым палемдыме. Контрактын акше 400 миллионат 600 тӱжем теҥгеш шуын. Чоҥымо пашан кокымшо йыжыҥжым- Чавайн урем деч Некрасов урем марте ужашым 2026-шо ийын 31-ше декабрьлан мучашлаш палемдыме.
Объектыште пашам тений апрельыште чарен шогалтыме. 2024-ше ийын январьыште 398 миллион теҥгеаш контрактым Моско гыч «Регионысо чоҥышо компаний» ушем дене ыштыме. авансым налын гынат тений шошым пашам ыштымым чарнен, график деч 200 кечылан почеш кодын. Пашам лу процентлан гына шуктен. Прокурор тергымаш рашемден: ик миллион деч шагал огыл оксам вес пашалан кучылтын. Уголовный пашам тавратыме. Компанийын аванс окса дене налме погыжым арестоватлыме. Лончылымо почеш Марий УФАС компанийым недобросовестный поставщик реестрыш пуртен да подрядчик панкрутыш лектын.
Ноябрь мучашыште вияш линий годым Республикым вуйлатыше Юрий Зайцев объектым чоҥен пытарыме лиеш манан пеҥгыдемден каласен. Декабрьыште ужалкалыме-налме процедурым эртарена да пашам тӱҥалына. 2026-ше ийыште объектым мучашлена,- каласен тудо. Кызытсе жаплан чоҥымо кум йыжыҥ гыч иктыжым гына мучашлыме.
Фото: Прокуратура.
Объектыште пашам тений апрельыште чарен шогалтыме. 2024-ше ийын январьыште 398 миллион теҥгеаш контрактым Моско гыч «Регионысо чоҥышо компаний» ушем дене ыштыме. авансым налын гынат тений шошым пашам ыштымым чарнен, график деч 200 кечылан почеш кодын. Пашам лу процентлан гына шуктен. Прокурор тергымаш рашемден: ик миллион деч шагал огыл оксам вес пашалан кучылтын. Уголовный пашам тавратыме. Компанийын аванс окса дене налме погыжым арестоватлыме. Лончылымо почеш Марий УФАС компанийым недобросовестный поставщик реестрыш пуртен да подрядчик панкрутыш лектын.
Ноябрь мучашыште вияш линий годым Республикым вуйлатыше Юрий Зайцев объектым чоҥен пытарыме лиеш манан пеҥгыдемден каласен. Декабрьыште ужалкалыме-налме процедурым эртарена да пашам тӱҥалына. 2026-ше ийыште объектым мучашлена,- каласен тудо. Кызытсе жаплан чоҥымо кум йыжыҥ гыч иктыжым гына мучашлыме.
Фото: Прокуратура.
