Марий Элыште тений тӱвыра аланыште шуктымо пашам иктешленыт

Марий Элыште тений тӱвыра аланыште шуктымо пашам иктешленыт
            Марий Элыште тений тӱвыра аланыште шуктымо пашам иктешленыт. Йошкар-Олаште Регион- влак кокласе кӱкшытан «Тӱвыраште у» 7-ше форум эртен. Тудо тӱвыраште да медиаште искусственный интеллектым кучылтмылан пӧлеклалтын. 2019-ше ий гыч кажне ийын эртаралтше мероприятий отрасльым цифровизироватлыме аланыште пӱсын шогышо йодыш- влакым каҥашаш да опыт дене палыме лияш эксперт ден тӱвыра пашаеҥ- влакым ушен.
            Марий Эл республикым вуйлатыше Юрий Зайцев «Еш» калыкле проектым шыҥдараш да тӱвырам вияҥдаш форумын кӱлешлыкшым палемден.
            Торжественно почмаште Правительствым вуйлатышын алмаштышыже, тӱвыра министр Константин Иванов талукысо тӱвыра илышлан иктешымашым ыштен. Мероприятий афишыш чылаже ныл тӱжем утла событий пурен. Тӱвыра отрасльым вияҥдымаште да тудын пашаштыже ик тӱҥ корныжо цифровизаций улеш. Тоштерлаште цифран технологий дене  ончер проектлаште, экскурсийлан онлайн-трансляций кучылталтеш, виртуал выставкылам официальный сайтлашке вераҥдымаште, мультимедий инсталляцийым кучылтмаште пайдаланат. «Яндекс» компаний дене вашкыл шотышто соглашений шыҥдаралтеш. Тӱвыра аланыште цифровизацийын ик сай примерже «Пушкин карте» улеш. Тений идалык тӱналтыш гыч муниципал да кугыжаныш тӱвыра организацийлашке 63 тӱжем билетым 26 миллион утла теҥгелан налме.
             Кугыжаныш Погыным вуйлатыше Михаил Васютин кызытсе жапыште у технологийын рольжым палемден. Тӱвыра процессыш искусственный интеллект технологийым шыҥдарымашым жапын йодмыжо семын палемден. Форум кайыме жапыште Кугыжаныш премийым да республикын моло наградыжым Юрий Зайцев кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски