Российыште икымше гана Йошкар-Олаште искусственный интеллект балетлан сценографийым ыштен
Российыште икымше гана Йошкар-Олаште искусственный интеллект балетлан сценографийым ыштен. Эрик Сапаев лӱмеш опера да балет кугыжаныш академический театрын сценыштыже «Снегурочка» Эй-Ай-балетын премьерыже лийын. Тудлан декорацийым Российыште икымше гана Сберын искусственный интеллектше полшымо дене ыштыме. Классический хореографий ден у технологийым ушышо постановкым Республикым вуйлатыше Юрий Зайцев аклен. Эй-Ай-балетын премьерыже мемнан театр ден республикылан гына огыл, пӱтынь Российысе тӱвыралан историй шотан событий улеш. Тиде проект ончыкта: Марий Эл йӱлам переген аралыше да тидын годымак ончыко чолган ончышо регион улмым ончыкта. Чапле артист- влакым, чыла усталык командым да Сбер гыч партнёр- влакым «Снегурочкылан» у цифран илышым почмо тиде чолга экспериментлан тауштем.- каласен Республикым вуйлатыше.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
