Лажмарий ФАП республикысе конкурсышто сеҥен

Лажмарий ФАП республикысе конкурсышто сеҥен
              Лажмарий ФАП республикысе конкурсышто сеҥен. Структурыштышт врач амбулаторий, ФАП- влак улман Марий Элысе медицина организаций- влак коклаште «Образцово кучыман кумдык» республике кӱкшытан конкурсым иктешлыме. Конкурсым Тазалыкаралтыш министерстве ден «Кыдылаш медицина пашаеҥ- влакын ассоциацийышт» эртареныт. Жюри ФАП ден амбулаторийлан йӧнан верыште улмыштым, тӱжвал тӱсыштым, волгыдым пуртымым, йолгорнылам, клумбо ден газонлам, каныме вер ден урно- влакым шотыш налын. Кӱлешан критерийлан верысе калык ден администрацийын кумдыкым тӱзландарымашке ушнымышт шотлалтын. Конкурсыш  районласе шым рӱдӧ эмлыме верын 20 представительже ушнен. Икымше верым Параньга районысо Лажмарий ФАП-лан пуымо. Кокымшым Волжский районысо Кугу Корамас ФАП налын, кумшо верым Морко районысо Коркатово варч амбулаторий ден Медведево районысо Краснооктябрьский врач амбулаторий пайленыт. Сеҥыше- влаклан наградым тазалыкаралтыш министр Влалдимир Гладнев кучыктен.
             Фото: Тазалыкаралтыш министерстве.

Прошлые выпуски