Марий Элын гастрономий книгажым Сергей Лавровлан кучыктат
Марий Элын гастрономий книгажым Сергей Лавровлан кучыктат. Йошкар-Олаште «Марий Элын гастрономий книгаже» проект шыҥдаралтеш. Савыктыш республикысе кухньо йӱла да культурылан пӧлеклалтеш. Тудым экономически вияҥмаш министерстве, Марий университет, «Тёплая речка» трактир, Республикысе туризмым вияҥдыме шотышто агентстве ямдылат. Книга Марий Элысе калык- влакын чын рецептыштым да йӱлаштым, Шорыкйол, Кугече, Семык пайрем- влакым, тошто сийым кызытсе жаплан келыштарымаш- влакым ушен шога. Марий университет шанче шымлымашым темла, трактирын шеф-поварже- влак чыла ыштен ончыктат, федерал эксперт Олег Назаров участвоватла. Книга кагаз да цифран йӧн денат лукталтеш, видеоролик- влак лийыт, презентацийым федерал кӱкшытыштӧ эртарат. Ик экземплярже Сергей Лавровлан, кулинар дипломатийын коллекцийышкыже колталтеш,- увертарат проектын авторжо- влак.
Фото: МедиаПоток.
Фото: МедиаПоток.
