Лӱдыкшыдымылык месячникым иктешлыме

Лӱдыкшыдымылык месячникым иктешлыме
Граждан оборона да калыкым аралыме комитет муниципал образованийла дене пырля вӱдыштӧ лӱдыкшыдымылык шотышто месячникым иктешленыт. Палемдыме: тений вӱд воктене 125 каныме верым да 16 пляжым ыштыме. Водолаз- влак вӱд пундашым терген лектыныт, йӱштылаш йӧрыдымӧ вер- влакым палемденыт. Шижтарыше палым да увер стендым вераҥденыт. Каныме верлаште ошмам уэмденыт, вргемым вашталтен чийыме верым, теҥгылым, утарыме постым тӧрлымӧ. 82 утарыше- матросым туныктымо, калык дене умылтарыме пашам эртарыме. Мероприятийым утларак сайын Йошкар- Олаште, тыгак Звенигово, Куженер, Медведево, Шернур, Советский, Оршанке, Параньга да Юрино районлаште шуктымо. Месячник жапыште кум еҥ вӱдыш пурен каен. Тушечын иктыже –йоча. Кодшо ийысе месячник жапыште 13 еҥ вӱд гыч лектын кертын огыл ыле. Йӱштылмо тургым мучашлалтеш гынат, вӱдыштӧ лӱдыкшыдымылык мероприятий- влак умбакыже шукталтыт.

Прошлые выпуски