Лев Покровскийын тӱналтышыже почеш оласе предприятий- влаклан кадрым ямдылыме йодышым каҥашыме
Лев Покровскийын тӱналтышыже почеш оласе предприятий- влаклан кадрым ямдылыме йодышым каҥашыме. Мэрийын кугу залыштыже оласе кугу предприятийлан вуйлатышышт, профессионал тунемме тӧнеж- колледж ден техникумлан еҥышт дене вашлиймаш эртен. Тачысе ик тӱҥ проблеме- кадр ситыдымаш. Эн ончыч инженер состав ден пашче специальность дене. Тидын годымак Россий кӱкшытыштӧ занятость рӱдер могырым тиде йодышым виктарыште тӱрлӧ программе шыҥдаралтеш. Ме занятость рӱдер, тунемме тӧнеж да кугу предприятий коклаште кылым ыштышаш улына.- каласен Лев Покровский. Ола мэрын алмаштышыже Дмитрий Юркинын мутшо почеш пытартыш жапыште Йошкар-Олаште официально регистрироватлалтше ик пашадымылан 47 вакансий логалеш. Занятость рӱдерын ончыктымыжо почеш тений икымше декабрьлан учётышто 106 еҥ шога. А пашам пуышо- влакын пашаш налаш пуымо йодмашышт- ныл тӱжемат 162 вакансий шотлалтеш. Пашам темлымаш ятыр, пашаш пураш шонышыжо- шагал. Погынышо- влак предприятийла негызеш тунемме комбинатым ышташ, южо профессийын престижшым нӧлталме нерген мероприятийым ямдылаш самырык- влак дене ончылгочак профориентаций пашам эртараш темленыт. Тидыже путырак кӱлешан. Молан манаш гыч тений 100 процент выпускник гыч 57 процентше республике деч ӧрдыжтӧ пашаш пурен. Покровскийын мутшо почеш чыла темлымаш дене пашам ыштыме лиеш. Тыгай формат дене вашлиймаш- влак умбакыже шуйнат.
Фото: Ола погынымашын пресс-службыжо.
Фото: Ола погынымашын пресс-службыжо.
