Льготан ипотеке программым шушаш кеҥежын кыдалже марте шуят

Льготан ипотеке программым 2021-ше ий июль марте шуен кертыт. Куд процентат пеле дене льготан ипотеке программа ик эн йодмашан антикризисный мерылан шотлалтеш. Тудын кышкарыште 630 миллиард теҥгелан 220 тӱжем кредитым пуымо,- увертарен Михаил Мишустин президентын правительстве дене эртарыме совещанийыштыже. Элыштына кугыжаныш полышан ипотека программа апрель мучашыште пашам ышташ тӱҥалын. У пӧртлаште илыме верым налаш кредит дене икымше ноябрь марте пайдаланаш лиеш. Ставкыже кредитын пӱтынь жапшылан- 30 ий марте эре икгаяк лиеш. Совещанийыште Владимир Путин тиде программым 2021-ше ийын пелыже марте шуяш темлен. Тидым сайлан шотлымо да премьер- министр чыла кӱлешан распоряженийым вашке ямдылен шуктена манын.

Прошлые выпуски