Марий Эл гыч самырык писатель
Республике гыч самырык рвезе Крапивин лӱмеш сылнымут конкурсын ик эн сай авторжо- влак радамыш пурен. Теҥгече Москосо Сеҥымашын тоштерже Владислав Крапивиным шарныме лӱмеш йоча сылнымут конкурсын сеҥышыже- влакым увертарен. Теҥгече писательын шочмо кечыже лийын. 7-10 ияш- влак коклаште Марий Эл гыч 9 ияш Вячеслав Томчак кумшо верым сеҥен налын. Тудо «Счастливая находка» ойлымашым колтен. Тушто тора кундемыште коремыште пырыс игым мумо да мӧҥго конден ашнаш налме нерген ойлалтеш. Конкурсыш шке ойлымашыштым 22 регион гыч 200 утла самырык автор колтеныт. Пистаель Вячеслав Крапивин йоча-шамычлан ятыр книгам возен. Тудын ӱмыржӧ тений сентябрьыште кӱрылтын.
