Марий университетыште медицинылан туныктымо у рӱдер почылтын
Марий Элыште у оборудованиян аккредитаций да симуляционно туныктымо рӱдер пашам ышташ тӱҥалын. Симуляционный рӱдер- тиде шуко профилян подразделений. Тудо «Эмлыме паша», «Педиатрий» да «Фармаций» корно дене специалист- влакым туныкташ да аккредитоватлаш ышталтын. Рӱдерым Марий университетысе медицина факультет негызеш почмо да медицина кадрым ямдылымаште у йӧн- влакым темла. Рӱдерым почмаште Марий Элым вуйлатыше Александр Евстифеев лийын. Тудо вашке полыш кабинет- влакым, медицина шинчымашым пуышо электрон лабораторий-влакым ончен лектын. Факультетын деканже Виктор Никитин каласен: у оборудований медицина пашаеҥ- влакым аккредитоватлыме шотышто кугыжаныш экзаменым эртараш да студент-медик, врач, медшӱжар- влакым туныкташ полша. Студент- влакын тренироватлалтме манекен- влак профессионал симулятор улыт, Нуно айдемын физиологий ойыртемжым чын да раш очныктат. Республикым вуйлатышылан студент- влакын кузе уколым ышташ, операцийым эртараш, капельницым шындаш тунеммыштым ончыктеныт. Тидыже ончыкылык медик- влаклан моштымашым шуараш полша.
