Моско гыч Озаҥыш писын коштшо поезд ок тол, а у автомагистраль лийшаш

Вице-премьер Марат Хуснуллинын шомакшылан эҥертен ТАСС увертарен: Моско гыч Озаҥыш кӱкшӧ скоростян кӱртньо корно магистарльым чоҥымо пашам, акше пеш кугу улмылан кӧра, варарак жапыш шӱкалме. Магистральын чот кӱлешлыкшым да мыняр еҥ кошташ тӱҥалмым эше рашемдыме огыл. А Моско гыч Озаҥыш автомобиль трассым ыштыме лиеш, - каласен вице-премьер. Кызыт проект документаций ямдылалтеш. Тиде магистральын проектшым 2024-ше ий марте магистраль инфраструктурым кумдаҥдыме да уэмдыме комплексный планыш пуртымо. Тудо «Европа- Касвел Китай» транспорт коридорын ужашышжлан шотлалтеш.

Прошлые выпуски