Марий Элым вуйлатыше интернатым олмыкташ оксам ойырен

Марий Элым вуйлатыше интернатым олмыкташ оксам ойырен. Александр Евстифеев правительствын резерв фондшо гыч шийвундым ойырымо шотышто распоряжениеш кидпалыжым пыштен. Шукерте огыл Кундыштӱр психоневрологий интернатыште лийше пожарлан кӧра кондымо эҥгекым кораҥдаш куд миллион теҥге пуалтеш. Олмыктымо пашам кузе шуктымым терген шогаш социал вияҥмаш министерствылан кӱштымӧ. Пашам кӱчык жапыште мучашлаш палемдыме. Ушештарена: 27-ше майыште интернатын монча да вургемым мушмо комплексыштыже тул пижын ыле. Пожарный- влак толмеш персонал 81 еҥым эвакуироватлен. Эмганыше але сусыргышо лийын огыл.

Прошлые выпуски