Марий Эл Кугыжаныш Погын 10-шо сессийлан ямдылалтеш
Марий Эл Кугыжаныш Погын 10-шо сессийлан ямдылалтеш. Теҥгече Кугыжаныш Погыным вуйлатыше Анатолий Смирнов Президиумын 24-ше заседанийжым эртарен. Икымше йодыш семын Бюджет шотышто головной комитетын 2019-ше ийлан республикын бюджетшым кузе шуктымо нерген публичный колыштмашым эртараш темлымашыжым ончымо. Тудым заочный йӧн ден кокымшо гыч 9-ше июнь марте эртараш лийме. Эше ик кӱлешан пеҥгыдемдыме решений - Республикым вуйлатышын темлымыж почеш Кугыжаныш Погынын 10-шо сессийжым 9-ше июньышто эртарымаш. Президиум повесткыш темлыме йодыш- влакым каҥашен. 9-ше июньыштак Депутатын кечыже да комитет- влакын заседанийышт эртышаш. Заседанийыште тыгак икымше июльышто Россий Конституцийыш тӧрлымаш- влакым пуртымо шотышто йӱклымаш дене кылдалтше йодыш- влакым ончымо.
