Микрак тӱвыра пӧртын сценыже шинчам куандара
Курык марий районысо Микрак тӱвыра пӧртын сценыже у тӱс- влак дене волгалтеш. 50 тӱжем марте еҥ илыман илемласе тӱвыра пӧрт- влакын материально технический базыштым вияҥдаш «Изи шочмо кундемын тӱвыраже» федерал проект пашам ышта. Тушко ушнымылан кӧра Микракысе рӱдӧ модельный тӱвыра пӧрт сценыжын свето-техничсекий оборудованийжым уэмден кертын. Кок тылзе жапыште тӱвыра тӧнежыште оборудованийым вераҥдыме кугу паша шукталтын. А май кыдалне сцена тӱрлӧ тӱсын, мотрын волгалташ тӱҥалын. Программе почеш тыгак у аккустика системым налме. Тидыже чапле мероприятий-влакым эртараш йӧным пуа. Тиде сомыллан миллионат пеле теҥге оксам кучылтмо.
