Республикыштына эше 40 еҥ черланен

Республикыштына адак 40 еҥын коронавирус чержым рашемдыме. Чылаже тӱжемат 894 еҥыш шуын. Тушечын тӱжемат 513 еҥже эмлалт лектын. Кызыт 368 еҥ черле. Россий мучко эртыше суткаште 8 тӱжемат 536 еҥ черланен, кум тӱжемат 287 еҥжын чер палыже уке. Ик суткаште элыштына 8 тӱжемат 972 еҥым эмлыме вер гыч лукмо, Марий Элыште 68 еҥ лектын.
                Республикыштына Ковид-19 чер деч эмлалтше- влакын чотышт Юл кундем округышто ик эн шагал. Эмлымаште улшо- влакын чотышт 21 процент. Черым рашемдыме тӱжемат 894 еҥ гыч 368-ыже эмлымашым эрта, тӱжемат 513 еҥ тӧрланен лектын, 13 еҥ ӱмыр лугыч лийын. Округышто эн шуко Ульяновск областьыште эмлалтеш- 72 процент- тӱжемат 900 утла еҥ, Башкирийыште 66 процент- кок тӱжемат 250, Саратов областьыште 62 процент -кок тӱжемат 20 еҥ. Эн шагал эмлалтше еҥ Татарстаныште- 14 процент- 473 еҥ, Пенза ден Марий Элыште- 21 процент- 516 да 368 еҥ эмлымаште улыт. Тичмаш налмаште ПФО-што эмлымаште улшо- влакын чотышт 50 процент, Россий мучко- 55.

Прошлые выпуски