Республикыште вӱргорно системын черже эн шуко вашлиялтеш

Коронавирусын пандемийжым шотыш налде, Маристатын ончыктымыж почеш, январь гыч апрель марте республикыште илыше калыкын тӱҥ лӱдыкшыжлан вӱргорно системын черже шотлалтын. Лач тудо ик кумшо ужаш колымашын амалже лийын. Тиде жапыште кок тӱжемат 706 еҥ ӱмыр лугыч лийын. Ныл тылзыште вӱргорно системын чержылан кӧра ӱмыр лугыч лийше- влакын чотышт   чыла колышо- влак деч 37 утла процент лийын, 14 наре процент рак черлан, 10 утла процент вучыдымо ситуаций, аяргымаш да эмганымашлан, 7 утла процент пищеварений орган, тынарак процент шӱлымӧ органын чержылан кӧра илыш дене чеверласен,- увертара Маристат.

Прошлые выпуски