Марий Элым вуйлатыше Людмила Лебедевалан тауштымашым увертарен
Марий Элым вуйлатыше Людмила Лебедевалан тауштымашым увертарен. Тӱнямбал классан спорт мастер, куштылго атлетике дене Российысе сборныйын еҥже, республикысе спорт ямдылалтмаш рӱдерын спортсменкыже Людмила Лебедевалан «Физический культура да спортым вияҥдымашке пыштыме налырлан» Республикым вуйлатышын тауштымашыжым увертарыме. Тудо 17 ияш улмыж годым Россий спорт мастерын норматившым шуктен, а 22 ияш тӱнямбал классан спорт мастер лийын. Куштылго атлетике кросс дене Российын 6 гана чемпионкыжо, Европо Кубкын ик гана веле огыл призёржо, Европа Чемпионатын ший призёржо, Тӱнямбал универсиадын ший призёржо, Российын сборный командыж дене пырля кок гана Европын чемпионкыжо лийын. 20 утла гана тӱнямбал таҥасымашлаште участвоватлен. Кодшо ийын Российын Кубкыштыжо вич меҥгыш куржмаште ший призёр, лу тӱжем метрыш куржмаште той призёр лийын.
