Республикыштына арня еда паша рынкым эскерен шогат
Республикыштына арня еда паша рынкым эскерен шогат. Александр Евстифеев Россий Правительстве председательын икымше алмаштышыже Андрей Белоусовын эртарыме совещанийыште участвоватлен. Тушто Российын экономикыжым ӱшанлын вияҥдыме йодышым каҥашыме. Совещаний видеоконференцкыл йӧн дене эртен. Белоусов экономикым вияҥдымаште эн ончылно шогышо мероприятий- влакым регионлаште шыҥдарыме планын кӱлешлыкшым палемден. Марий Элыште тыгай планым регионысо штабын заседанийыштыже сайлан шотлымо. Кызыт тушко изи да кыдалаш бизнеслан полшымо, чер шарлымылан кӧра эҥгекыш логалше фирме- влаклан микрозаймым налаш 0,1 луаш процент ставкым палемдыме шотышто ешартыш мероприятий- влакым пуртымо. Тымарте полыш дене изи да кыдалаш предпринимательствын 406 субъектше пайдаланен. Тидын радамышкак кугыжаныш погым арендыш налмылан тӱлымӧ жапым кусарыме шотышто йодмашым возышо 49 субъект пура. Республикыште системообразующий организаций- влакын пашаштлан чаракым ыштен кертше вучыдымо нелылыкым пален налаш манын, нунын финанс –экономик пашаштым шымлен шогат. Республикыште паша рынкыште могай сӱрет улмым арня еда тергат. Тыгак кече еда пашадыме- влакын чотышт вашталтме шотышто уверым чумырат.
