Президент мӧҥгыштӧ шинчыме жапым 11-ше май марте шуен
Теҥгече видеоконференций йӧн дене Российын Президентше Владимир Путин Российысе регионлам вуйлатыше- влак дене корновирус ваштареш шогымо йодыш дене совещанийым эртарен. Тушто Марий Элым вуйлатыше Александр Евстифееват участвоватлен. Элым вуйлатыше шке ойыштыжо чер дене кучедалмаште тӱн позиций- влакым палемден да йыжыҥын-йыжыҥын 12-шо май гыч, эпидемиологий ситуацийым шотыш налын, чарыме режим гыч лекташ тӱналме нерген ойлен. Тидын шотышто бизнеслан полшаш у мера- влакым ышташ кӱштен. Тыгак 6,7,8-ше майым пашам ыштыдыме кече семын увертарен. Тыге 1-ше гыч 11-ше май марте пашадарым тӱлыман каныш кече- влак лийыт. Тиддеч посна Владимир Путин вашке полыш службышто тыршыше-влакын официальный пайремыштым пеҥгыдемден. Ынде 28-ше апрель Вашке полыш пашаеҥын Кечыже лиеш. Эпидемий шарлымым эркыштарен кертме. Черланыше- влакын чотышт кугун ешаралтде икнарак погына. Но тиде лыпланаш амалым ок пу, ситуаций неле кодеш, эн чот черланыме жап эше эртен огыл, - каласен Российын Президентше.
