Марий Элым вуйлатыше Александр Евстифеев Сергей Собянинын эртарыме пашаче группын заседанийыштыже участвоватлен

Коронавирус черан пациент- влаклан республикысе стационарлаште 620 койко кучылталтеш. Марий Элым вуйлатыше Александр Евстифеев Сергей Собянинын эртарыме Кугыжаныш Советын инфекций шарлыме ваштареш шогышо пашаче группыжын заседанийыштыже участвоватлен. Видеоконференцкыл йӧн дене эртарыме погынымаште пӱсын шогышо йодыш- влакым каҥашыме. Нунын коклаште шыжымсе эпидемиологий тургымым эртыме, тунемме тӧнеж- влакын у тунемме ийлан ямде улмышт да грипп деч вакцинацийым ыштыме йодыш- влак улыт. Марий Элыште кызыт 541 тунемме тӧнеж у тунемме идалыклан ямдылалтеш. Кызыт марте 84 процентше але 454 тӧнежым приниматлыме. Нунын коклаште школ деч ончыч туныктымо чыла 224 тӧнеж, чыла 46 ешартыш шинчымашым пуышо, 71 процент але 175 школ улыт. Термометрым, 200 наре южым эрыктыме приборым да дезинфицироватлыше средствам налме. 1-ше гыч 4-ше класс марте тунемше- влакым шокшо кочкыш дене яра пукшаш тӱҥалыт. Кылме чер ден грипп эпидемий тургымлан ямдылалтмаш кая. Тиде гана 375 тӱжем еҥым прививке дене авалташ лийме. Нунын коклаште риск группыш пурышо 75 процентлан, медицина да туныктымо аланыште тыршыше- влакын 85-90 процентшылан прививкым ыштыман. Республика чарыме мероприятийым кораҥдыме кумшо йыжыҥыште улеш. Медицина эскерымаште 693 еҥ кодеш. Арня утла жапыште кажне кечын 14-15 еҥын чержым рашемдат. 50 процент койко фонд яра шога. 7 медицина организацийыште 620 койко кучылталтеш.

Прошлые выпуски