Марий Элыште икымше гана байдарка да каноэ дене иймашым спортын базовый видышкыже пуртымо
Тений Российысе Спорт министрествын приказше дене келшышын, Марий Элыште икымше гана байдарка да каноэ дене иймашым спортын базовый видышкыже пуртымо. Перечень ныл ийлан пеҥгыдемдалтеш. Тушко Олимпий, Паралимпий модмашын программышкыже пуртымо да кундемлаште поснак вияҥдыме спорт- влакым пуртат. Байдарка да каноэ дене иймаш Марий Элыште 1991-ше ий годсек вияҥеш. Тиде вид дене спортсмен- влак Россий да тӱнямбал кӱкшытан таҥасымашлаште сеҥыше да призёр лийыныт. Республикыште тиде спорт дене Комплексный олимпий резерв спорт школышто туныктат. Тудо спортсмен- влакым ямдылаш, инвентарьым, оборудованийым, экипировкым налаш, квалификацийым нӧлташ кугыжаныш велым полышлан субсидийым налын кертеш.
