Марий Элыште инфекцийын шарлыме коэфициентше икгайракак кодеш

Марий Элыште коронавирус инфекцийын шарлыме коэфициентше икгайракак кодеш. Тидын нерген Республикым вуйлатыше Александр Евстифеевын Оперативный штабын заседанийжым эртарыме годым Роспотребнадзор виктемым вуйлатыше Светлана Булатова увертарен. Ик суткаште ешаралтмаш ик тичмашат 9 луаш процент лийын. Черланыше- влак кокла гыч 9 процентат пелыже- йоча- влак, пашам ыштыше- влак 71 процент, риск группыш пурышо 65 ияш деч кугурак- влак 19 утла процент улыт. Инфекций утларакшым черланыше- влак дене кылым кучымо годым пижеш, но ӧрдыж гыч кондымо лӱдыкшат уло, предприятий ден медицина тӧнежлаштат шарлен кертеш. Но кӱлеш мерым шуктен шогымаш черым сорлыклаш полша. Мутлан, кочкыш сатум ужалкалыше кевыт- влак чарныде пашам ыштеныт. Туге гынат тымарте кевытыште тыршыше ик еҥ гына черланен. Пневмоний деч мӧҥгыштӧ эмлыме еҥ- влак ешаралтыт. Тиде чер дене черланыше- влак кокла показатель деч ятырлан шукырак улыт. Республикые кок лабораторий тымарте 55 тӱжемат 240 утла шымлымашым эртарен. Погынымаште маске дене коштмо режимым умбакыжат шуяш темлыме.

Прошлые выпуски