Фонтан- влакым кеҥежлан ямдылат
«Водоканал» муниципал предприятийын специалистше- влак оласе фонтан- влакым кеҥеж жаплан ямдылаш тӱналыныт. Тудо ола кундемым эрыктыме да тӱзатыме месячник кышкарыште шукталтеш. Пашазе- влак вӱд погынымо верым эрыктен мушкыт, петыртышым рончат. Леве да шокшо игече толмеке фонтан пуч- влакым рӱдаҥме деч эртыктат да чиялтен шындат. Ола кундемыште 11 фонтан шотлалтеш. Эн тоштыжо- «Космосыш» скульптур композиций. Кодшо ийын фонтан- влакым кучаш оласе бюджет 7 миллионат 150 тӱжем теҥгем ойырен. Фонтан- влак тӱҥ шотышто 1-ше май гыч 30-шо сентябрь марте пашам ыштат.
