Республикыштына медицина пашаеҥ- влакым ситараш тыршат

Республикыштына медицина пашаеҥ- влакым ситараш тыршат
Республикыштына медицина пашаеҥ- влакым ситарыме сомылым виктарат. Поликлинике- влак врач- шамычым вучат. Пашаш толшо врач- влаклан тӱлаш бюджет гыч ятыр миллион теҥге оксам ойыраш палемдыме. Тенийлан обязательный медицина страхований фондын бюджетыштыже пашаш налме врач, фельдшер да медшӱжар- влаклан пашадарым тӱлаш 47 миллион теҥгем ойырат. Кадрым ситарыме йодышым рашемден колташ «Тазалыкаралтыш системын медицина организацийже- влаклан сай квалификациян кадрым ситарымаш» федерал программе виктаралтын. Верласе ОМС фонд- влак тиде пашашке чолган ушнат. Федерал фондын регионлашке колтымо субвенцийын ужашыже страховой шапашыште аралалтеш да Российысе тазалыкаралтыш министерствын палемдыме радамже почеш медицина организаций- влаклан пуалтеш. Адакшым толшо врач-влаклан страховой шапаш гыч тӱлымӧ оксам ешартыш полыш семын аклыман. Тудыжо медик- влакын пашадарыштым кӱлеш кӱкшыт марте кугемдаш президентын майысе указшым шукташ полша. Тиде проектышке кугыжаныш медицина организаций- влак гына ушнен кертыт. Марий Элыште тиде пашам шукташ тенийлан 47 миллионат 800 тӱжем теҥгем палемдыме. Тидыже пашаш 77 еҥым налаш йӧным пуа. Нунын коклаште 46 врач да 31 кыдалаш специалист лийшаш.

Прошлые выпуски