Пел ийыште ныл тӱжем наре осал пашам регистрироватлыме
Республикыштына тенийсе икымше пелийыште ныл тӱжем наре осал пашам регистрироватлыме. Эл кӧргӧ паша министерствыште коллегийын заседанийже эртен. Тушто эл кӧргӧ паша министр, полицийын генерал-майоржо ведомствын пел ияш пашажлан акым пуэн. Пел ийыште ныл тӱжем наре осал пашам палемдыме. Пуштмаш, толымаш, виешлымаш, шолыштмаш, машинам шолыштмашым шагалрак регистрироватлыме, тазалыклан лӱмын эҥгекым ыштымашым кугемдыме огыл, урем ден тӱшка верлаште осал паша шагалрак лийын. Пуштмашым, виешлымашым, осалын керылтмашым почмаш 100 процентыш шуын. Ончычсо ийлаште ыштыме 115 осал пашам почмо,- увертара МВД-н пресс-службыжо.
