Марий Элын бюджетше 15 миллиард утла теҥге парышым налын
Марий Элын бюджетше 15 миллиардат 600 миллион наре теҥге парышым налын. Икымше июньлан шотлымаште Марий Элын консолидированный бюджетышкыже тынар ешартыш окса пурен. Тушечын 8 миллиардат 700 миллион теҥгеже налог да налогдымо парыш лийын. Кодшо ийысе тыгаяк жап дене таҥастарымаште парыш кум наре процентлан ешаралтын. Пӧртылташ кӱлдымо окса 7 миллиард наре теҥге лийын. Тушечын ныл миллиардат 300 миллионжо – дотаций. Коносолидированный бюджетын раскотшо икымше июньлан 15 миллиардат 500 миллион теҥгеш шуын.
