Марий артист ден музыкант- влак мобилизоватлыме еҥ- влаклан концертым ончыктеныт
Марий артист ден музыкант- влак мобилизоватлыме еҥ- влаклан концертым ончыктеныт. Яков Эшпай лӱмеш Марий Кугыжаныш филармонийын артистше- влак Ульяновск областьысе военно-учебный частьыш миеныт. Мобилизоватлыме еҥ- влак ончылно Станислав Элембаев лӱмеш «Марий Кундем» кугыжаныш калык семӱзгар оркестр, Павел Тойдемар лӱмеш муро театр да филармонийын солистше- влак усталыкыштым ончыктеныт. Кызыт икте-весылан эн чот полшаш кӱлеш. Ме нигузе ӧрдыжтӧ кодын кертын огынал. Сандене мемнам аралышына- влак деке тӱвыра десантым ямдылышна,- каласен тӱвыра министр Константин Иванов. Артист- влак марий, руш калык, кызытсе эстраде номер- влакым ончыктеныт. Вашлиймаш мучашлан Марий Эл гыч военнослужащий- влаклан гитарым да эм- влакым кучыктымо.
Фото: Тӱвыра министерстве.
Фото: Тӱвыра министерстве.
