Марий калык Погыныш делегат-влакым сайлаш тӱҥалыныт
Делегат-влакым сайлаш тӱҥалыныт. 1 июнь гыч 31 август марте Марий Элысе районлаште, Российысе марий-влакын тӱшкан илыме кундемлаште Марий калык погыныш делегат-влакым сайлаш тӱҥалыныт, увертара «Сурт-пече» газет. XII Марий калык погын тений шыжым 31 октябрь- гыч 2-шо ноябрь марте лиеш. Съездлан ямдылалтме оргкомитетым Марий Эл правительстве председатель Юрий Зайцев вуйлата. Марий мер каҥаш вуйлатыше, Оньыжа Эдуард Александров делегат- влакым сайлаш тӱҥалме нерген увертарен. Погынлан ямдылалтмаште тидыже ик эн тӱҥ йодышлан шотлалтеш. Делегатлан 1 100 еҥ деч ик еҥым сайлат. 385 еҥ лийшаш. Тыгак Мер каҥашын 45 еҥже, тергыше комиссийын 3 еҥже да, пытартыш Погынышто пунчалме почеш, кызыт марте Мер каҥашын мыняр вуйлатышыже лийын, нунат делегатыш пурат. Чылаже 438 делегат погына. Сайлымаш рейтинг йӱклымаш гоч эртышаш. Эн шуко йӱкым погышо-влак сеҥышыш лектыт, воза 21-ше № «Сурт-пече» газет.
Фото: «Кидшер» сайт.
Фото: «Кидшер» сайт.
