Марий Элым вуйлатыше Москошто вашлиймашым эртарен

Марий Элым вуйлатыше Москошто вашлиймашым эртарен
              Марий Эл Правительстве ден «ТНС энерго» компаний группо энергетике комплексын пайдалыкшым нӧлташ цифран решений- влакым кучылташ шонат. Теҥгече Петербургысо экономик форумын ик площадкыштыже Марий Элым вуйлатыше «ТНС энерго» компанийын генеральный директоржо Елена Стельнова дене соглашенийым пеҥгыдемден. Документ дене келшышын кучылтмо электроэнергийым шотлымо системым саемдымашке виктаралтше инвестиций проектым умбакыже шыҥдараш палемдыме. Соглашений кышкарыште лукмо решений- влак калыклан кучылтмым шке тергаш да тарифым шонкален ойырен  налаш полша. Электроснабженийым виктараш цифран технологийым пурташ да Ай-Ти оборудованийым технически пужен ышташ палемдалтеш. Генеральный директор Елена Стельнова тыгак компанийлан да регионлан кадрым ситарыме задаче шога манын. Самырык тукымым пашалан туныкташ да кызыт пашам ыштыше- влакын квалификацийыштым нӧлтен шогыман,- каласен тудо. Марий Элым вуйлатыше Юрий Зайцев тыгак «Т-Плюс» компанийын генеральный директоржо Александр Вилесов дене вашлийын. Нуно теплоснабжений системым модернизироватлыме йодыш- влакым каҥашеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски