Морко районлан 100 ий темме вашеш

Морко районлан 100 ий темме вашеш
              Правительстве вуйлатышын алмаштышыже- тӱвыра министр Константин Иванов Морко районлан 100 ий теммылан пӧлеклалтше мероприятий- влакым ямдылыме да эртарыме шотышто совещанийым эртарен. Район администрацийым вуйлатыше Александр Голубков увертарен: мероприятий- влак планым организационный комитет ямдылен да пеҥгыдемден, тыгак объектлам чоҥымо да пужен ыштыме планым ыштыме. Самырык- влак политике комитетым вуйлатыше Станислав Игошин палемден: районын лӱмгечыжлан комитет мероприятийлам эртараш шатёр ден оборудованийым пӧлекла. Кеҥежым районышто Самырык- влак форумым да самырык- влакын кечыштым эртара, а шыжым военно-патриот клуб ден ушем- влакын форумышт эртаралтеш. Тӱвыра министрын алмаштышыже Александр Луничкинын мутшо почеш лӱмгечым пайремлыме планыш шым мероприятийым пуртымо. Тиде шуматкечынак Регион- влак кокласе кӱкшытан «Сӱан пайрем» калыкле сӱан йӱла фестиваль-конкурс лиеш, июльышто «Колумб лудмаш» финн-угор сылнымут фестиваль лийшаш. Правительстве вуйлатышын алмаштышыже Константин Иванов районысо калык дене вашлиймаште Янтемир лӱмеш сылнымут да этнографий тоштерым олмыктымо пашан кузе кайымыже нерген каласкален, туриндустрийым вияҥдыме план дене палдарен, ялласе клублам олмыктымо, Районысо Михаил Степанов лӱмеш тӱвыра да каныш рӱдерым уэмдыме нерген ойлен.
           Фото: Тӱвыра министерстве.

Прошлые выпуски