Марий Элым вуйлатыше республикыште палыме лингвист Андрей Чемышевым Чап Грамото дене наградитлен
Марий Элым вуйлатыше республикыште палыме лингвист Андрей Чемышевым Чап Грамото дене наградитлен. МарНИИЯЛИ-н пашаеҥжым шанчым вияҥдымашке пыштыме надыржылан палемденыт. Андрей Чемышев финн-угор компьютер лингвистике дене икмыняр шанче да шымлыме пашан авторжо улеш. Тудын тыршымыже дене электрон вариантан мутер- влакым ыштыме. Кызыт шанчыеҥ марий йылмын калыкле корпусшым ышта. Йылмызе тыгак Пӱтынь Россий кӱкшытан «Нацийын кугешнымашыже» премийын лауреатше лийын ыле,- увертара «Кидшер» сайт.
Фото: Андрей Чемышевын ВК-же.
Фото: Андрей Чемышевын ВК-же.
