Йошкар-Оласе самырык- влаклан олмыктымо деч вара скейт-паркым почыт
Йошкар-Оласе самырык- влаклан олмыктымо деч вара скейт-паркым почыт.- каласен мэрийын пресс-службыжо. Сеҥымаш Паркыште верланыше скейт-парк экстремал спортым йӧратыше йоча да подростко- влакын йӧратыме верыштлан шотлалтеш. Но тудын дене чот пайдаланымылан кӧра вашке шолдырга. Ленин лӱмеш тӱвыра полатын идалык еда олмыктен шогымыжо шагал лийын. 2023-шо ий мучашыште Марий Элым вуйлатышын калыклан эртарыме приёмышто ола гыч Руслан тиде скейт-паркым тӱрысынек олмыкташ кӱлеш манын. Ынде мер контрольын еҥже- влак олмыктымо пашам терген лектыныт. Подрядчик лунчыргышо калай шартышым, кӱртньӧ конструкцийым вашталтен, варитлыме ушем- влакым пеҥгыдемден, кӱртньӧ- влакым чиялтен. Кӱртньӧ конструкций ден калай коклашке йӱк-йӱаным иземдаш резиным пыштыме. Олмыкташ ик миллион утла теҥге оксам ойырымо ыле. Мер еҥ- влак паркын пашаеҥже да подряд организацийын пашам кӱлеш семын шуктымыштым палемденыт. Уэмдыме скейт-парк лӱдыкшыдымӧ лиеш гына огыл, самырык- влаклан экстремал спортышто моштымашыштым вияҥдаш полша маныныт. Тудым 11-ше июньышто почаш шонат.
Фото: Йошкар-Ола администраций.
Фото: Йошкар-Ола администраций.
