Марий книга савыктышын книгаже- влак Москош «Йошкар площадь» тӱнямбал книга фестивальыш каеныт

Марий книга савыктышын книгаже- влак Москош «Йошкар площадь» тӱнямбал книга фестивальыш каеныт
           Марий книга савыктышын книгаже- влак Москош «Йошкар площадь» тӱнямбал книга фестивальыш каеныт. Москошто лумышо гана 6-шо гыч 9-ше июнь марте тиде фестиваль эрта. Ик верышке Пӱтынь Россий да йот элла гыч 400 наре издательстве погына. Уна- влакым поэт ден писатель, лекций, мастар-класс, спектакль, у книга- влак вучат. Тӱҥ сценыште фестивальын эн оҥай мероприятийже- влак эртат: сылнымут премийым кучыктымаш, тӱшкан каҥашымаш, театр представлений, концерт, у книган презентацийже, автор- влак дене вашлиймаш да молат. Марий книга савыктыш  Москошто руш,  марий, курык марий йылме дене лукмо 70 утла савыктыш  дене палдара. Тиде- историй, тӱрлымаш, марий калык йомак, проза, поэзий, йоча да шанче-популяр литература. 9-ше июньышто Кудрявцев ден Павлован «Марий тӱрын искусствыжо» книган да республикысе калык поэт Геннадий Оярын «Припадаю к истокам» книгажын презентацийышт лиеш. Тиддеч посна уна- влакым марий тӱр дене мастар-класс, марий калык вургемым ончыктымаш вучат.
         Фото: Фестивальын афишыже.

Прошлые выпуски