Марий Эл гыч балет труппа Мексикыште «Йӱксӧ ерым» 31 гана куштен
Марий Эл гыч балет труппа Мексикыште «Йӱксӧ ерым» 31 гана куштен. Эрик Сапаев лӱмеш опера да балет театрын балет артистше- влакын гастроль турышт Оахаса олаште мучашлалтын. Ик тылзыште нуно «Лебединое озеро» балетым 31 гана куштен ончыктеныт. Марий Эл Правительство председательын алмаштышыже- тӱвыра министр Константин Иванов соцал вотлаште шке лаштыкыштыже артист- влакым черетан сеҥымаш дене саламлен да палемден: марий балет эше ик гана шке профессионализмжым, дисциплиным да писын погынен моштымыжым ончыктен. Ушештарена: Эрик Сапаев лӱмеш театрын гастроль туржо Чиуахуа олаште 17-ше апрельыште тӱналын ыле.
Фото: Константин Ивановын ВК лаштыкше.
Фото: Константин Ивановын ВК лаштыкше.
