Йошкар-Ола мэрын икымше алмаштышыже СВО-н участникше- влакын пелашышт да авашт дене вашлийын
Йошкар-Ола мэрын икымше алмаштышыже Лев Покровский СВО-н участникше- влакын пелашышт да авашт дене вашлийын. Вашлиймаш мэрийыште официальный огыл шӱлышыштӧ чайым йӱшыла эртен. Лев Константиновичын мутшо почеш, ӱдырамаш- влакын йодышышт ятыр лийын. Мутлан, нуно йоча площадкылам ыштыме, шӱк куштырам шупшыктымо, корным асфальтроватлыме нерген йодыштыныт. Южо темым контрольыш налме. Лишыл жапыште оласе ик кудывечыште ӧрдыжкӧ лектын вашлиймаш эртаралтеш. Тыге южо проблемым верыштак ончаш йӧн лиеш, каласен Лев Покровский.
Фото: Лев Покровскийын ВК-же.
Фото: Лев Покровскийын ВК-же.
