Марий Элым вуйлатыше 2025-ше 2030-шо ий- влаклан республикым вияҥдыме индивидуал программын проектше шотышто совещанийым эртарен

Марий Элым вуйлатыше 2025-ше 2030-шо ий- влаклан республикым вияҥдыме индивидуал программын проектше шотышто совещанийым эртарен
             Марий Элым вуйлатыше Юрий Зайцев 2025-ше 2030-шо ий- влаклан республикым социал- экономик велым вияҥдыме индивидуал программын проектше шотышто совещанийым эртарен. Ондак Российын Правительствыже Президент Владимир Путинын кӱштымыжӧ почеш шке шийвундым шагал погышо регион- влаклан индивидуал программым куд ийлан шуен ыле. Правительство председатель Михаил Мишустин палемден: ныл ий жапыште программым шыҥдарыше  лу гыч утларак регионжо элысе кокла темп деч кӱкшырак лектышым ончыктеныт. Индивидуал программым ыштыме годым федерал кӱкшытыштӧ палемдыме: 2025-ше 2030-шо ий- влаклан федерал окса кӱшеш тӱшка финансирований куд миллиард теҥге лиеш. Федерал бюджетын колтымо оксан 70 процент деч шагал огылжо экономик куатым вияҥдаш полшаш колталтеш. Марий Элын индивидуал программыжын проектше дене келшышын агропромышленный комплексым, промышленностьым, моло отрасльыште инвстиций проектым вияҥдаш кумылаҥдышаш. Тиддеч посна Юрино посёлкышто пассажир причалым чоҥымо лиеш. Тидыже туризмым вияҥдаш полша, Волжскышто Александровский водозаборым чоҥымашын кокымшо йыжыҥже шыҥдаралтеш, специальный коммунал технике, у троллейбус- влак налалтыт, Медведево посёлкышто «Ясная поляна» микрорайонышто 320 верлан йоча сад чоҥалтшаш
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски