Саранскыште Российын кугыжаныш калыкле политикыжын стратегийжым шыҥдарыме йодышым каҥашеныт
Саранскыште Россий Федерацийын кугыжаныш калыкле политикыжын стратегийжым шыҥдарыме йодышым каҥашеныт. Марий Эл Правительствым вуйлатышын икымше алмаштышыже Михаил Васютин Президентын Юл кундем округышто полномочный представительжын алмаштышыже Игорь Буренковын эртарыме семинар- совещанийыште участвоватлен. Погынышо- влак калыкле да юмын йӱла йодыш дене кылдалтше теме- влакым каҥашеныт. Игорь Буренков тӱрлӧ калык кокласе умылыдымашым вашке виктарен колтымаште да йӱлам арален кодымаште кугыжаныш кучем, верысе самоуправлений органлан да этнотӱвыра ушемлан качестван вашкылыштын кӱлешлыкшым палемден. Михаил Васютин регионысо кучем орган- влакын СВО-н участникше да нунын ешыштлан, у кундемла гыч ӧкым куснен толшо- влаклан гуманитар полышым пуымо пашам виктарыме нерген, тиде пашаште регионысо калыкле да калыкле- тӱвыра ушем- влакын тыршымышт нерген ойлен. Тиде пашам Республикым вуйлатышын кӱштымыжӧ почеш сайын виктарыме. Гуманитар конвойым ямдылымаште бизнесын, калык- влак кокласе, калыкле- тӱвыра ушем, ура чонан еҥ- влак уло кумылын тыршат. Республике Запорожье областьысе Куйбышев районлан шеф семын полышым пуа. Чарныде кочкыш, чоҥымо материал, ӱзгар, школлан кӱлешлык, сату, медицина изделий, эм, эн ончыч кӱлешан сату, тӱвыра предмет- влак колталтыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
