Марий Эл гыч кум проектым Россий кӱкшытан форумышто эн сайлан шотлымо

Марий Эл гыч кум проектым Россий кӱкшытан форумышто эн сайлан шотлымо
              Марий Эл гыч кум проектым Россий кӱкшытан форумышто эн сайлан шотлымо. Москошто «Изи ола- влакым да историй шотан илем- влакым вияҥдымаш» Россий кӱкшытан 11-ше форумышто оласе йӧнан кумдыкым ыштыме шотышто эн сай проектлан конкурсышто сеҥыше- влакым саламлыме церемоний эртен. Марий Эл гыч кум муниципалитет калыкле проект кышкарыште федерал полышым налын. Шушаш ийын кугу паша Звенигово олаште, Юрино ден Медведево посёлкылаште шукталташ тӱҥалеш. Федерал конкурсыш чылаже 64 кундем гыч 400 утла йодмаш пурен. Россий Правительстве вуйлатышын алмаштышыже Марат Хуснуллинын вуйлатыше жюри архитектура решений- влакым, историй да тӱвыра кумдыкым пагалымашым, кундемалам вияҥдаш калыкле проектлам пайдалын кучылтмым кӱкшын аклен. Республикыште 9 кугу проектым сайын шыҥдарыме. Волжскышто «Северный» микрорайоным тӱзландарымаш умбакыже шуйна. Кодшо ийын тудо Российысе конкурсышто сеҥышыш лектын ыле. Чылаже «Оласе йӧнан кумдыкым ыштымаш» федерал проектлан кӧра тений гына республикыште 71 кумдыкым тӱзландараш палемдыме.
          Фото: Юрий Зайцев.

Прошлые выпуски