Марий Эл гыч лӱйкалыше- влак Иркутскышто таҥасымаште икымше верым сеҥен налыныт

Марий Эл гыч лӱйкалыше- влак Иркутскышто таҥасымаште икымше верым сеҥен налыныт
       Марий Эл гыч лӱйкалыше- влак Иркутскышто таҥасымаште икымше верым сеҥен налыныт. Пневматик пистолет гыч лӱйкалымаш дене Российын Чемпионат ден Первенствыже  25-ше- 27-ше августышто эртен. Мемнан республике гыч рвезе- влак чапле моштымашыштым ончыктеныт да икымше верыш лектыныт. Мемнан сеҥыше командын радамыштыже Виктор Игнатьев, Артём Хлебников, Дмитрий Шмидт да Иван Веселов лийыныт. Личный первенствыште кокымшо верым Артём Хлебников, кумшым Виктор Игнатьев налыныт. Дуэль лӱйкалымаше Артём Хлебников сеҥен. Виктор Игнатьев кокымшо лийын. Таҥасымаште чылаже 20 регион гыч 200 лӱйкалыше моштымашыжым ончыктен.- увертара «Марий Элыште спорт» лаштык.
           Фото: "Марий Элыште спорт" лаштык.

Прошлые выпуски