Комбо вич метр кужытан кандырам нелын
У Торъял районышто ветеринар врач комбын пагарже гыч вич метр кужытан шпагатым шупшын луктын. Ялысе комбылан пеш вашке полыш кӱлеш лийын. Тудо вичкыж кандырам ала-кузе нелын да тудо пагарешыже погынен. Ала-мо сай огылжым йоча- влак ужыныт, комбо пич каяш тӱҥалын. Кайыкым утараш манын, Чӱксола ветеринар участкын ветеринарже деч полышым йодаш верештын. Ветврач ончен лектын да шпагатым шупшын луктын.Тыгайым эше ужын омыл ыле, манын. Тиддеч вара комбо вигак веселаҥын.
Фото: Светлана Соловьёва.
Фото: Светлана Соловьёва.
