Ветеран-дзюдоист- влак Пензыште Россий виш чемпионатын медальжым сеҥен налыныт

Ветеран-дзюдоист- влак Пензыште Россий виш чемпионатын медальжым сеҥен налыныт
               Республикысе ветеран-дзюдоист- влак Пензыште Россий виш чемпионатын медальжым сеҥен налыныт. «Воейков» единоборство Полатыште ныл марий спортсмен ойыртемалтын. Кодшо кечылаште Пензыште ветеран- влак коклаште дзюдо дене Российын 16-шо виш чемпионатше эртен. Тушто 30 гыч 70 ияш марте 300 наре спортсмен таҥасен. Марий Эл гыч 6 дзюдоист миен, нылытше пьедесталыш кӱзен. 35-39 ияш- влак коклаште  Морко гыч 66 килограмм нелытан спорт мастер Юрий Александров сеҥышыш лектын. 45-49 ияш- влак коклаште 100 килограмм марте нелытан- влак коклаште кокымшо верым спорт мастер Евгений Лебедев налын. Тиде ийгот категорийыштак 81 килограмм нелытан- влак коклаште кумшо верым Александр Егоров налын. 40-44 ияш  тыгаяк нелытан коклаште той медаль дене Андрей Андреев палемдалтын.- увертара дзюдо ветеран- влакын калыкле ушемже.
       Фото: ВК-ште Юрий Александровын лаштыкше.

Прошлые выпуски