Волжскышто школым капитально олмыктымо пашам мучашлыме
Волжскышто школым капитально олмыктымо пашам мучашлыме. Марий Элым вуйлатыше Волжский районыш паша дене мийымыже годым посна тӱткышым туныктымо тӧнеж- влаклан ойырен. Нылымше номеран кыдалаш школышто «Школысо туныктыш системым уэмдымаш» программе кышкарыште школ зданийым капитально ачалыме. Памар школ негызеш «Точка роста» рӱдерым почаш ямдылалтыт. Марий Элым вуйлатыше кок объектышкыжат миен. Волжскысо школым 1981-ше ийыште чоҥымо. Пытартыш ийлаште тудо палынак шолдырген. Сандене федерал программыш пуртымо улмаш. Смета почеш пашан акше 91 миллион теҥгем эртен. Пӧлем- влакын дизайныштым верысе тунемше ӱдыр ыштен, тудлан кугурак класслан тунемшышт полшеныт. Ынде йоча- влак уэмше школым ончалаш чытен-чытыде вучат. Республикым вуйлатыше Памар школымат ончен лектын. Туштат «Точка роста» почылтшаш. Тудо каласен: куандара- калыкле проектым шыҥдарымылан кӧра олалаште гына огыл, изирак илемлаштат тунемаш йӧн ышталтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
